“ O consorcio no que participa a USC co apoio de European Innovation Council (EIC) quere abrir camiño cara a estratexias de nutrición de precisión que permitan previr e xestionar a enfermidade de forma máis eficaz ”

Financiado polo European Innovation Council (EIC), o proxecto Glucotypes, do que forma parte a USC, explora como os patróns individuais da resposta glicémica poden ofrecer información temperá sobre o desenvolvemento da diabetes tipo 2. A través da identificación destes patróns mediante monitorización continua da glicosa e combinando estes datos con información procedente da inxesta dietética, o equipo investigador quere abrir camiño cara a estratexias de nutrición de precisión que permitan previr e xestionar a enfermidade de forma máis eficaz. O consorcio reuniuse en Compostela neste mes de novembro para revisar os avances conseguidos e planificar os seguintes pasos desta iniciativa innovadora.

O grupo de Medicina Interna (MEDINT) e o grupo de Bioestatística e Ciencia de Datos Biomédicos (GRID-BDS), os dous da USC, e en colaboración co grupo Research Methods do IDIS, integran este equipo interdisciplinario de especialistas xunto coa Maastricht University, o Weizmann Institute, Leiden University Medical Center, University of Copenhagen, ILSI Europe e Genos Ltd.

Link a la noticia: https://www.usc.gal/gl/xornal/novas/proxecto-glucotypes-avanza-predicion-diabetes-avalia-sua-relacion-inxesta-alimentaria